झापा असार ३ ।। एसियन हाइवे अन्तर्गत पर्ने काँकडभिट्टा–लौकही सडक खण्डको पश्चिमी हिस्सामा मंगलबार देखि कालोपत्रे कार्य औपचारिक रूपमा सुरु गरिएको छ। मोरङ जिल्लाको लक्ष्मीमार्गदेखि चिसाङ खोलासम्मको सडकमा पहिलो चरणमा एकतर्फी कालोपत्रे सुरु भएको हो । सडक निर्माणको जिम्मा लिएको सिआरएफजि–टुण्डि जेभी निर्माण कम्पनीले असार महिनाभित्रै पहिलो चरणको कालोपत्रे कार्य सम्पन्न गर्ने लक्ष्य लिएको छ। कम्पनीका कन्ट्रयाक इन्जिनियर डोरमणि पौडेलका अनुसार अहिले मौसम अनुकूल भएकाले दैनिक झन्डै आधा किलोमिटरभन्दा बढी कालोपत्रे गर्न सकिने अनुमान गरिएको छ। अन्तर्राष्ट्रिय रणनीतिक महत्त्व बोकेको सडक खण्ड एसियन हाइवे सञ्जालमा पर्छ, जसले नेपालको पूर्वी नाका काँकडभिट्टाबाट पश्चिमी सीमा गौरा फन्टा (कैलाली) सम्मको महत्त्वपूर्ण यातायात र…
