बिर्तामोड फागुन १६ !! चुनाव नजिकिँदै जाँदा देशभर चुनावी सरगर्मी ह्वात्तै बढेको छ। झापा क्षेत्र नम्बर २ पनि यसको अपवाद छैन। सबै दलहरु भोट माग्न व्यस्त छन् पुराना तथा ठूला दलहरू बाजा–गाजा, ठूलो साउन्ड सिस्टम, कार्यकर्ताको हुल र महँगा गाडीको हुटमा उम्मेदवार राखेर नाचगानसहित प्रचारमा व्यस्त छन्। गाउँ–शहरमा चुनावी र्यालीको होहल्ला बाक्लिँदै गएको छ। तर यही भीड र होहल्लाको बीचमा फरक शैली लिएर मैदानमा उत्रिएका छन् क्याप्टेन सी के वेघा लिम्बू। उज्यालो नेपाल पार्टी का तर्फबाट झापा–२ का प्रत्यक्ष उम्मेदवार रहेका वेघाको चुनावी अभियान भने अन्य दलभन्दा निकै भिन्न देखिन्छ। उनको साथमा न ठूलो साउन्ड सेट छ, न बाजा–गाजा,…