झापा ।। पूर्वी नेपाल फेरि एकपटक फुटबलको उत्साहले तात्न लागेको छ। नयाँ वर्ष २०७३ सालको अवसर पारेर झापा र इलाममा दुई ठूला अन्तर्राष्ट्रिय महिला फुटबल प्रतियोगिता आयोजना हुने भएका छन्। यी प्रतियोगिताले महिला फुटबलको विकासमा नयाँ इतिहास कोर्ने अपेक्षा गरिएको छ। झापाको चन्द्रगढी युवा क्लबको आयोजनामा वैशाख ५ गतेदेखि वैशाख १४ गतेसम्म मेची रङ्गशालामा अन्तर्राष्ट्रिय आमन्त्रण महिला फुटबल प्रतियोगिता आयोजना हुने भएको छ। प्रतियोगिताको विजेताले ११ लाख रुपैयाँ पुरस्कार प्राप्त गर्नेछन्। आयोजकका अनुसार यो पुरस्कार राशि नेपालमा महिला फुटबलतर्फ हालसम्मकै सबैभन्दा ठूलो हुनसक्ने दाबी गरिएको छ। ठूलो पुरस्कार राशिका कारण पनि प्रतियोगिता अझ आकर्षक बन्ने विश्वास गरिएको छ। त्यसैगरी,…
