बिर्तामोड जेठ १८।। झापाको बिर्तामोडमा दोस्रो संस्करणको बिर्तामोड युनाइटेड च्यालेन्ज कप फुटबल प्रतियोगिता आयोजना हुने भएको छ। बिर्तामोड युनाइटेड फुटबल क्लबको आयोजनामा आगामी जेठ २४ देखि ३१ गतेसम्म प्रतियोगिता हुने भएको हो।आज आयोजित पत्रकार सम्मेलनमार्फत प्रतियोगिताबारे जानकारी दिँदै आयोजकले प्रतियोगिता डोमालाल राजवंशी रंगशालामा सञ्चालन हुने जनाएको छ। प्रतियोगितामा झापा र मोरङका गरी आठ टोलीले प्रतिस्पर्धा गर्नेछन्। प्रतियोगितामा मोरङबाट उर्लाबारी फुटबल क्लब र बेलबारी फुटबल क्लब सहभागी हुनेछन्। झापाबाट चन्द्रगढी एफसी, शनिश्चरे एफसी, न्यू स्टार क्लब बिर्तामोड, बगान युथ क्लब कचनकवल, कनकाई स्पोर्टिङ क्लब तथा आयोजक बिर्तामोड युनाइटेड फुटबल क्लबले प्रतिस्पर्धा गर्नेछन्। प्रतियोगिताको विजेताले नगद १ लाख ११ हजार १११…
