बुद्धशान्ति चैत्र २९ सडन डेथमा किरात युवा क्लब लाई पराजित गर्दै आयोजक जुनेली युथ क्लब झापा बुद्धशान्ति ४ जुनेली बस्तिमा जारी प्रथम साबिक शान्तिनगर फुटबल प्रतियोगिताको सेमिफाइनलमा प्रबेश गरेको छ ।बिहिवारको उद्घाटन खेलमा सडन डेथमा किरात युवा क्लबलाई पराजित गर्दै आयोजक जुनेलिले सेमिफाइनलको यात्रा तय गरेको हो । खेलको निर्धारित समयमा दुबै टिमले गोल रहित बराबरी खेलेपछी खेलको निर्णयको लागि टाईब्रेकरमा धकेलिएको थियो । टाइब्रेकरमा पनि दुबै टिमले समान ३/३ गोल गरेका थिए । आयोजक जुनेलिका लागि कप्तान प्रशान्त राई, सन्दीप घिसिङ र गगन मगरको प्रहारले जाली चुमेको थियो भने मनिस लिम्बू र रोनिसको प्रहार बिफल भयो । यता किरातको लागि समीर लिम्बू, रबिन राई र पर्बत श्रेष्ठ गोल गर्न सफल हुँदा अमित र सोलन लिम्बुको प्रहार खेर गयो । त्यसपछि खेलको निर्णयका लागि सडन डेथमा किरातका आयुष राईको प्रहार गोलरक्षक राहुल लिम्बुले बचाए भने कुशल लिम्बुको प्रहार सिदै गोलमा परिणत हुँदै आयोजकले सेमिफाइनलमा स्थान बनाएको हो । बिजेता टिमका गोल रक्षक राहुल लिम्बू म्यान अफ द म्याचको पुरस्कार बाट सम्मानित भए ।
आजको दोस्रो खेल ब्रोदर एफ सि बुद्धशान्तिले सृजनसिल युवा समाज सङ्ग खेल्नेछ । भोलि शनिबार आइतबारे युथ क्लबले ओल्ड मक्स बुद्धशान्ति ५ र अन्तिम क्वाटर फाइनलमा मङ्गलबारे युनाईटेडले एस वाई सि धारागोला बुद्धशान्ति ७ सङ्ग भिडने आयोजक समितिका अध्यक्ष विशाल सुनुवारले जानकारी दिनुभयो ।
युवालाई खेल प्रती आकर्षक र प्रोत्साहन गर्न आयोजना गरिएको प्रतियोगिताको बिजेताले नगद २० हजार रुपैयाँ , ट्रफी , मेडल , प्रमाणपत्र र उपबिजेताले नगद १२ हजार रुपैयाँमा चित्त बुझाउने समिती सचिव आषिस लिम्बुले जानकारी दिनुभयो ।
