झापा असार २२ ।। नेपाली कथानक चलचित्र ‘जनै हराएको मान्छेको’ पोस्टर सार्वजनिक गरिएको छ।
झापाको बिर्तामोडस्थित QFX सिनेमा हलको प्राङ्गणमा आज एक कार्यक्रमको आयोजना गर्दै चलचित्रको पोस्टर सार्वजनिक गरिएको हो।
फरक तरिकाले चलचित्रको प्रचारप्रसार गर्ने उद्देश्यले देशका विभिन्न ठाउँबाट एकैसाथ पोस्टर सार्वजनिक गर्दै ‘जनै हराएको मान्छेको’ प्रचारप्रसार सुरु गरेको छ
विजय बराल, केकी अधिकारी, मिरुना मगरको मुख्य भूमिका रहेको चलचित्रमा, गौरव पहाडी, सुशांक मैनाली, रियर राई, भावना खपांगी मगर, रुपेश लामा, सुमन थापा, कविता आले, तारा शर्मा, सृष्टि खड्डी, निरु खड्का गौतम, सुवास सिंह ठकुरी आदिको अभिनय रहेको छ ।
हिमाल न्यौपानेद्वारा निर्देशित चलचित्रलाई कमल न्यौपाने र बिमल न्यौपानीले निर्माण गरेका हुन्। चलचित्र यही असार ६ गतेबाट देशैभरी एकैसाथ प्रदर्शनमा आउने भएको छ। चर्चित तथा अहिलेका नाम चलेका कलाकारहरूको मुख्य भूमिका र सफल निर्देशकद्वारा निर्देशित चलचित्र सफल हुने निर्माण पक्षको दाबी रहेको छ।
पोस्टर सार्वजनिक कार्यक्रमम नेपाल चलचित्र संघका केन्द्रीय सदस्य मिजास पोखरेल, चलचित्रकर्मी संघ कोशी प्रदेश अध्यक्ष केवल तामाङ, बिर्तामोड उद्योग वाणिज्य संघका वरिष्ठ उपाध्यक्ष विशाल थापा र युवा व्यवसायी शैलेन्द्र कुरुम्वाङको उपस्थिति रहेको थियो ।
पोस्टर सार्वजनिक कार्यक्रमको चलचित्र पत्रकार सङ्घ कोशी प्रदेश सदस्य सुनिता तामाङले सहजीकरण गरेकी थिइन्।