बिर्तामोड मङ्सिर ४।। दोश्रो बुद्धशान्ति गाउँपालिका वडा स्तरीय नकआउट T-10 क्रीकेट प्रतियोगिता आजबाट सुरु भएको छ
बाटबुद्धशान्ति गाउँपालिका वडा न:३ खेलकुद विकास समितिको आयोजना, गाउँपालिकाको प्रायोजन र गाउँपालिका खेलकुद विकास समितिको संयोजनमा संचालित प्रतियोगिता मङ्सिर ६ सम्म चल्ने छ।
बुद्धशान्ति तीन स्थित पेट्रोल पम्प पश्चिमपट्टिको खेलमैदानमा आज भएको उद्घाटन खेलमा आयोजक वडा न:३ ले वडा न:५ लाई ७ विकेट ले पराजित गर्दै सेमिफाइनलमा प्रवेश गरेको छ । टस हारेर पहिले ब्याटिङको निम्तो पाएको वडा न:५ ले निर्धारित १० ओभरमा ३ विकेट गुमाउँदै ९२ रन बनाउन सफल भयो।वडा न:५ का लागि मन्जिल पौडेलले सर्वाधिक ४२ रन बनाएका थिए।जवाफी ब्याटिङमा ९३ रनको लक्ष्य पछ्याएको वडा न:३ ले ८ ओभरमा ३ विकेट गुमाउँदै सहजै लक्ष्य प्राप्त गर्यो।वडा न:३ का लागि दिपाङ्कर चौधरीले सर्वाधिक ५६ रन बनाएका थिए भने अर्पण कार्कीले २३ रन बनाएका थिए।ब्याटिङमा ५६ रन र बलिङमा १ विकेट लिएका दिपाङ्कर चौधरी खेलको म्यान अफ द म्याच घोषित भए ।
त्यसैगरी दोश्रो खेलमा वडा न:२ माथी रोमाञ्चक १ रनको जितको जित निकाल्दै वडा न:६ सेमिफाइनल प्रवेश गरेको छ।पहिलो ब्याटिङ गरेको वडा न:६ ले ६ विकेट गुमाउँदै ९३ रन बनाएको थियो।वडा न:६ का लागि प्रशान्त कुइकेलले सर्वाधिक २८ रन बनाएका थिए। ९४ रनको विजयी लक्ष्य सहित जवाफी ब्याटिङमा उत्रेको वडा न:२ ले मात्र १ रन ले लक्ष्य प्राप्त गर्न सकेन।वडा न:२ का लागि निरोज सिटौलाले ३४ रन बनाएका थिए ।ब्याटिङमा २८ रन र बलिङतर्फ २ विकेट लिएका वडा न:६ का प्रशान्त कुइकेल खेलको म्यान अफ द म्याच घोषित भए।
त्यसैगरी दिनको अन्तिम खेलमा ३ रनको झिनो अन्तरले वडा न:७ लाई पराजित गर्दै वडा न:४ सेमिफाइनल प्रवेश गरेको छ।पहिले ब्याटिङ गरेको वडा न:४ ले निर्धारित १० ओभरमा ६ विकेट गुमाउँदै ९० रन बनाउन सफल भयो।वडा न:४ का लागि सुरेन लिम्बुले सर्वाधिक ४४ रन बनाएका थिए ।जवाफी ब्याटिङमा ९१ रनको लक्ष्य पछ्याएको वडा न:७ ले ८७ रन मात्रै बानाउन सफल भयो।वडा न:७ का लागि राम कुवरले २९ रन बनाएका थिए।ब्याटिङमा २२ रन र बलिङतर्फ २ विकेट लिएका वडा न:४ का रिकेशराज आङ्देम्बे खेलको म्यान अफ द म्याच घोषित भए।
भोलि मङ्सिर ५ गते सेमिफाइनलका खेल हुने छन् सेमिफाइनलमा बिहान ११ बजे वडा न:३ र ४ तथा दिउँसो १ बजे दोश्रो सेमिफाइनलमा वडा न:१ र ६ बिच फाइनल प्रवेशका लागि प्रतिस्पर्धा हुने छ।
प्रतियोगिताको बिजेताले नगद २५ हजार ,ट्रफी ,मेडल र प्रमाणपत्र तथा उपविजेता ले नगद १५ हजार ,ट्रफी ,मेडल र प्रमाणपत्र प्राप्त गर्ने छन भने प्रतियोगिताको उत्कृष्ट खेलाडीले नगद ५ हजार ५ सय ५५ प्राप्त गर्ने छन् ।सर्वाधिक रन र विकेट लिने खेलाडीले नगद ४/४ हजार प्राप्त गर्ने छन् ।
