बिर्तामोड माघ २५।। तेस्रो हरिकुमार प्रसाई स्मृति झापा जिल्ला अन्तर विद्यालय स्तरीय अन्डर १३ नकआउट फुटबल प्रतियोगिता क्वाटरफाईनल समीकरण पुरा भएको छ ।
बिर्तामोड नगरपालिका ६ स्थित एभरेष्ट एजुकेसन एकाडेमीको खेलमैदानमा आज भएको पहिलो खेलमा गोमेन्द्र विरता मोडेलले टावर टेम्पल इंग्लीस स्कुललाई पराजित २-० गोल अन्तरले पराजित गर्यो। । यस्तै दोस्रो खेलमा न्युटन्स एजुकेशन एकेडेमीले हरीकुल इंग्लीस स्कुल लाई समान २-० गोल अन्तरले नै परायजित गर्यो । आजै सम्पन्न तेस्रो खेलमा मेची सेकेण्डरी स्कुल लाई ४-१ गोलले हराउदै निदि सेकेण्डरी स्कुल पनि क्वाटरफाईनलमा प्रबेश गरे सँगै क्वाटर फाइनल समीकरण पूरा भएको छ।
प्रतियोगिता अन्तर्गत भोली क्वाटर फाइनलका चार खेल हुनेछन् पहिलो क्वाटर फाइनल खेल इस्ट होराइजन मेचीनगर र गोमेन्द्र बिर्ता मोडल बिर्तामोड बीच हुनेछ। त्यस्तै दोस्रो खेल ब्रिलियनन्ट पिपुल्स अर्जुनधारा र कञ्चन इङ्लिस स्कुल बीच हुनेछ। क्वाटर फाइनलको तेस्रो खेल अन्तर्गत निधि स्कुल र बालबाटिका मेचीनगर बीच हुनेछ। अन्तिम क्वाटर फाइनल खेल कन्चन स्कुल बिर्तामोड र न्युटन एजुकेशन एकाडेमी बिर्तामोडबीच हुने प्रतियोगिता संयोजक आशिष प्रसाईंले जानकारी दिनुभयो।
विद्यालयका संस्थापक स्वर्गीय हरिकुमार प्रसाईले शिक्षा क्षेत्रमा र्पुयाउनुभएको योगदानको उच्च मूल्याङ्कन गर्दै र उहाँलाई जीवन्त राख्नका लागि एभरेस्ट स्मार्ट एजुकेसन र एभरेष्ट स्पोर्ट्स एकाडेमीको आयोजनामा भइरहेको प्रतियोगितामा झापाका विभिन्न २० विद्यालयहरूको सहभागिता रहेको छ। माघ २२ गतेबाट सञ्चालित यो प्रतियोगिता आगामी माघ २८ गतेसम्म सञ्चालन हुनेछ। प्रतियोगिताको विजेता तथा उपविजेता टिमलेले नगदसहित आकर्षक ट्रफी मेडल र प्रमाणपत्र प्राप्त गर्नेछन्।
