झापा जेष्ठ ३ ।। प्रथम उपमेयर कप वडास्तरीय भलिबल प्रतियोगिता आजबाट झापाको बिर्तामोडमा सुरु भएको छ।
बिर्तामोड नगरपालिका वडा नम्बर ९ खेलकुद विकास समितिको आयोजना र बिर्तामोड नगर खेलकुद विकास समितिको सहआयोजनामा प्रतियोगिता सुरु भएको हो।
बिर्तामोड ९ गरामनि स्थित दुर्गा माविको खेलमैदानमा आज भएको खेलबाट जित निकाल्दै वडा नम्बर ५, ६,३ र ८ सेमी फाइनलमा प्रवेश गरेका छन्।
बिर्तामोड ३ ले बिर्तामोड ४ लाई २५-१७ र २५-१६ को सोझो सेटमा पराजित गर्दै सेमीफाइनलको यात्रा तय गरेको हो। बिर्तामोड ३ बाट विमान खड्का अभिषेक कामती भरत यादव धुर्व भण्डारी जस्ता अनुभवी खेलाडीहरू सहभागी छन्।
त्यस्तै अर्को खेलमा बिर्तामोड ५ले जित निकाल्दै अन्तिम चारमा प्रवेश गरेको छ। बिर्तामोड ५ ले बिर्तामोड ७ लाई २५-१७ र २५-२२ को सोझो सेटमा पराजित गर्दै सेमीफाइनलको यात्रा तय गरेको हो। बिर्तामोड ५ बाट रबिन गौतम प्रदिप कटेल, फडिन्द्र सिग्देल जस्ता अनुभवी खेलाडी समावेश छन्
तेस्रो क्वार्टर फाइनल खेलमा बिर्तामोड ८ ले बिर्तामोड ९ लाई २५-१६ र २५२० को सोझो सेटमा पराजित गर्दै अन्तिम चारमा स्थान सुरक्षित गरेको छ। भिर्तामोड ८ बाट पनि स्थानीय तथा उत्कृष्ट खेलाडीहरु सहभागी भएका छन्
आज भएको अन्तिम क्वाटरफाइनल खेलमा वडा नम्बर ६ ले वडा नम्बर २ लाई पराजित गर्दै अन्तिम चारमा स्थान सुरक्षित गरेको छ। वडा नम्बर ६ले २५-२२ र २५-२२ को सोझो सेटमा वडा नम्बर २ लाई पराजित गर्दै सेमिफाइनलको यात्रा तय गरेको हो। वडा नम्बर ६ बाट कोशी प्रदेशको प्रतिनिधित्व गरिसकेका खेलाडी लिला डाँगी लगायत सहभागी छन्
प्रतियोगिता अन्तर्गत भोलि २ सेमिफाइनल र फाइनल खेल सञ्चालन हुने आयोजक समितिका अध्यक्ष विश्वद्दीप राजवंशीले जानकारी दिए
भोलि हुने पहिलो सेमिफाइनल खेल उपाधि दावेदार मानिएको वडा नम्बर ३ र वडा नम्बर ८ का बीच रहनेछ। दोस्रो सेमीफाइनल खेल वडा नम्बर ६ र अर्को उपाधि दाबेदार वडा नं ५ बीच रहनेछ। दुवै टिमबाट उत्कृष्ट खेलाडीहरु सहभागी भएका कारण पनि सेमीफाइनल खेल रोचक र प्रतिस्पर्धात्मक हुने अनुमान गरिएको छ
नेपालको राष्ट्रिय खेल भलिबलको प्रवर्द्धन गर्ने र स्थानीय स्तरमा भएका भलिबल खेलाडीहरूलाई प्रोत्साहन गर्ने उद्देश्यले बिर्तामोड नगर पालिका वडा नम्बर ९ खेलकुद विकास समितिले आयोजना गरेको प्रतियोगिताको विजेताले नगद १ लाख१०० उपविजेताले ५१ हजार १०० रुपैयाँ ट्रफी मेडल र प्रमाणपत्र प्राप्त गर्नेछन् त्यस्तै विधागत उत्कृष्ट खेलाडीहरुले पनि नगद र ट्रफी प्राप्त गर्ने आयोजकले जानकारी दिएको छ
प्रतियोगितामा बिर्तामोड नगरपालिकाका दशवटै वडाहरूको सहभागिता रहेको छ। वडास्तरीय प्रतियोगिता भएपनि हरेक वार्डबाट दुई जना बाहिरको खेलाडी खेल्न पाउने प्रावधान रहेसँगै चर्चित र अनुभवी खेलाडीहरु अधिकांश टिमबाट यो प्रतियोगितामा सहभागी भएका छन्
उद्घाटन कार्यक्रम खेलकुद विकास समिति वडा नम्बर ९ का अध्यक्ष विश्वजित राजवंशीको अध्यक्षता र बिर्तामोड नगरपालिकाका उपप्रमुख नगेन्द्र संग्रौलाको प्रमुख आतिथ्यतामा सम्पन्न भएको हो। कार्यक्रमको सञ्चालन सञ्चारकर्मी भरत प्रसाईले गरेका थिए।
