फाकफोकथुमll चैत्र २८ ll कर्मचारी ११ आमचोक र मेतालुङ एफसी इलामको फाकफोकथुम ६ एकतप्पाको जानकी मा.बि.को खेल मैदानमा जारी खुल्ला पुरुष फुटबल प्रतियोगिताको सेमिफाइनलमा प्रबेश गरेको छ ।
आजको खेलमा पहिलो खेलमा द नाईट एफसीलाई ३/१ ले पराजित गर्दै कर्मचारी एफसी सेमिफाइनलमा प्रबेश गरेको हो । कर्मचारीको लागि हितेन लिम्बुले २ गोल गरे भने एक अन्गोल उपहारस्वरूप पायो । नाईट एफसिका लागि सम्राट बर्देवाले एक गोल फर्काएका थिए ।
त्यस्तै दोस्रो खेलमा मेतालुङ एफसिले सिम्सारा एफसिलाई ७/१ को फराकिलो गोलले जित निकाल्दै सेमिमा पुग्ने दोस्रो टिम बन्यो । उस्का लागि सुदर्शन लिम्बूले ह्याटि्रक सहित ४ र सुबास गुरुङले पनि ह्याटि्रक गरे । सिम्साराका लागि एक मात्र सान्त्वना गोल सुजल राईले गरे ।
भोलि आइतबार चिलिङ्देन एफसिले कल्बोटे सङ्ग भिड्दा अन्तिम खेलमा केएफसी लुङ्सुङ्दुङले नामतोक एफसी पाँचथरको सामना गर्दै सेमिफाइनल समीकरण पूरा गर्ने आयोजक समितिका अध्यक्ष उमेश गुरुङले जानकारी दिनुभयो ।
प्रतियोगिताको विजेताले नगद रु. ७०,१७० रुपैयाँ उपविजेताले ४० हजार १४० रुपैयाँ ट्रफी मेडल र प्रमाणपत्र प्राप्त गर्ने कोषाध्यक्ष नवीन अधिकारीले जानकारी दिनुभयो ।
