बिर्तामोड मंसिर २९।। नेपाल पत्रकार महासङ्घ झापा शाखाको अध्यक्षमा एकराज गिरी पुन: निर्वाचित भएका छन्। अध्यक्षका अन्य प्रत्याशीहरू डिकेश लामा राजेन्द्र गौतम र टिकाराम नेपाल नीतिलाई पराजित गर्दै गिरी दोस्रोपटक अध्यक्षमा निर्वाचित भएका हुन्
यस्तै, उपाध्यक्षमा सुब्रत न्यौपाने , महिला उपाध्यक्षमा विनिशा शर्मा, कोषाध्यक्षमा मुक्ति पौडेल सचिवमा प्रदीप परियार र राजु पाठकले समान ९९ मत ल्याएर निर्वाचित भएका हुन् । खुला सहसचिवमा रमेश तिवारी , समावेशी सहसचिवमा तिलक योञ्जन निर्वाचित भएका छन्
त्यस्तै महासङ्घको कार्यसमिति सदस्यहरूमा भूमिका सुब्बा ,सन्तोष शर्मा, मन कुमार गदाल इन्द्रकुमार राई , अस्मिता साँखी , इशा प्रधान स्वस्तिका आचार्य , विनोद पाण्डे, सुदीप अधिकारी द्रोण अधिकारी , दिपेश राजवंशी, देवेन्द्र प्रसाईं र भूमिराज पराजुली निर्वाचित भएका छन् ।
पत्रकार महासंघ झापा शाखामा दुई सय २० सदस्य रहेकामा दुई सय पाँच जनाले मतदान गरेका थिए । २० सदस्यीय कार्यसमितिको १८ पदका लागि ३६ जनाले उम्मेदवारी दिएका थिए ।