इलाम कार्तिक १० रेड डेभिल्स ए नयाँ बजार र टप सेभेन एफसी प्याङ ईलामको माई जोगमाई ५ सोयाङ लोकसाङमा जारी तेस्रो श्री परोपकार सामुदायिक गोल्डकप फुटबल प्रतियोगिताको उपाधीका लागि भीड्ने भएका छन्
आज भएको पहिलो सेमिफाइनल खेलमा रेड डेभिल्स ए ले लोक्साङ एफसी लाई दुई एक गोल अन्तरले पराजित गर्दै फाइनल यात्रा तय गरेको हो। रेड डेभिल्स ए का लागि शेखर राईले पहिलो गोल गर्दै खेललाई अग्रता दिलाएका थिए। पहिलो हा फ १-०को अवस्थामा सकिएको थियो। दोस्रो हाफमा सुधारिएको प्रदर्शन गर्दै लोक्साम एफसीले बराबरी गोल फर्कायो उसका लागि जर्सी नम्बर ८ का मुकेश मगरले बराबरी गोल गरेका थिए। तर उक्त गोलको खुसियाली मनाउन नपाउँदै रेड डेभिल्स एका तर्फबाट जर्सी नम्बर ५ का नवराज राईले उत्कृष्ट गोल गर्दै टिमलाई अग्रता दिलाए त्यसपछि दुवै टिमबाट कुनै पनि गोल हुन नसकेपछि रेड डेभिल्स ए दुई एक गोल अन्तरको जित निकाल्दै फाइनल प्रवेश गरेको हो।
आजनै भएको दोस्रो सेमिफाइनल खेलमा रेड डेभील्स बिलाई ट्राई बेकरमा पराजित गर्दै टप सेभेन प्याङले फाइनलमा रेड डेभिल्स ए सँग उपाधि भेडन्त पक्का गरेको छ। निर्धारित समय गोलरहित बराबरीमा सकिएपछि निर्णयका लागि खेल ट्राइबेकरमा धकेलिएको थियो।
ट्राइबेकरमा टप सेभेन एफसी प्याङका लागि सरोज कार्की सानील राई मिलन मेचे र म्याग्नेट लिम्बुले गोल गरे रेड डेभिल्स टिमका लागि भने संगम लिम्बु र झरण राई ले गोल गर्दा राजेश दाहाल र मनोज गुरुङको प्रहार भने बाहिरिएको थियो । यो सँगै टप सेभेन प्याङसँग ४-२ गोल अन्तरले पराजित हुँदै रेड डेभील्स प्रतियोगिताबाट बाहिरिएको हो।
उपाधीका लागि रेड डेभील्स ए र टप सेभेन एफ सि बीच भोलि दिनको ठिक २ बजे प्रतिस्पर्धा हुनेछ
स्थानीय स्तरमा रहेका फुटबल खेलाडीहरूलाई उजागर गर्ने र गाउँ गाउँबाट फुटबल खेल विकासको लक्ष्य सहित प्रतियोगिता आयोजना गरिएको आयोजक समितिका अध्यक्ष गजेन्द्र ताम्लिङ लिम्बुले जानकारी दिनुभएको छ।
श्री समाजिक परोपकार सङ्घ सोयाङ इलामको जनामा कार्तिक ३ गतेबाट सुरु भएको गोल्डकपको फाइनल खेल कार्तिक ११ गते हुनेछ। विजेताले नगद ७१ हजार ट्रफी मेडल र प्रमाणपत्र प्राप्त गर्नेछन्। उपविजेता टोलीले नगद ५१ हजार ट्रफी मेडल र प्रमाणपत्रमा चित्त बुझाउनेछन् ।त्यसैगरी विधागत उत्कृष्ट खेलाडीहरुलाई पनि ट्रफी प्रदान गरिने समितिका कोषाध्यक्ष झलक सिंह ताम्लिङ लिम्बुले जानकारी दिनुभएको छ।
प्रतिक्रिया दिनुहोस
समाचार
