झापा साउन २४ ।। व्यवसायसँगै सामाजिक क्षेत्रमा पनि योगदान पुर्याउने उद्देश्यले स्थापना भएको एक्टिभ नाइनको अधिवेशन इलामको पर्यटकीयस्थल कन्याममा सम्पन्न भएको छ।
अधिवेशनले विनोद दाहालको अध्यक्षतामा नयाँ कार्यसमिति चयन गरेको छ। समितिको उपाध्यक्षमा पुण्यप्रसाद खतिवडा, सचिवमा सुरेश खतिवडा तथा सदस्यहरूमा गोबिन्द निरौला, भानुभक्त खनाल, झरेन्द्र खतिवडा, अर्जुनबहादुर थापा, मिलन ढकाल र रोहितकुमार भट्टराई निर्वाचित भएका छन्।
नौ जना युवा व्यवसायीको पहलमा स्थापना भएको एक्टिभ नाइनले व्यवसायिक गतिविधिसँगै सामाजिक उत्तरदायित्वलाई प्राथमिकतामा राख्दै विभिन्न सामाजिक तथा मानवीय कार्यहरू गर्दै आएको छ। संस्थाले समाजमा सकारात्मक प्रभाव पार्ने उद्देश्यसहित विभिन्न सामाजिक अभियान तथा सहयोगका कार्यक्रम सञ्चालन गर्दै आएको जनाएको छ।
अधिवेशनपछि नवनिर्वाचित अध्यक्ष विनोद दाहालले एक्टिभ नाइनले विगतदेखि गर्दै आएका सामाजिक कार्यलाई अझ व्यवस्थित, प्रभावकारी र परिस्कृत गर्दै आगामी दिनमा थप सक्रियताका साथ अघि बढाउने प्रतिबद्धता व्यक्त गरेका छन्।
नयाँ कार्यसमितिले संस्थाको सामाजिक भूमिकालाई थप सशक्त बनाउँदै व्यवसायिक सफलतासँगै समाजप्रतिको दायित्व पूरा गर्ने लक्ष्य लिएको छ।