बिर्तामोड मंसिर १८ ।। ३० औं अन्तरास्ट्रिय अपाङ्गता दिवस तथा विद्यालयका संस्थापक हरि प्रसाईंको स्मृति दिवसको अवसरमा न्युटन्स् बाल क्लबले अपाङ्गता भएका दुई शिक्षकलाई सम्मान गरेको छ ।
बिर्तामोड-५ मा अवस्थित न्युटन्स एजुकेसन एकेडेमीमा रहेको बाल क्लबले समावेशी तथा दिगो भविष्यको आधार, अपाङ्ग भएका व्यक्तिहरुको प्रवल नेतृत्वको आधार भन्ने मुल नाराका साथ आयोजित कार्यक्रममा दुर्गा माध्यमिक विद्यालयका शिक्षकद्वय पदम अधिकारी र चन्द्र भट्टराईलाई दोसल्ला, टोपी र मायाको चिनोले सम्मान गरिएको विद्यालयका प्रिन्सिपल देवेन्द्र हुमागाईले जानकारी दिनुभयो।
बाल क्लबका अध्यक्ष अन्स न्यौपानेको अध्यक्षतामा भएको कार्यक्रमको प्रमुख अतिथि विद्यालयका डाईरेक्टर आशिष प्रसाईं रहेका थिए ।
उक्त अवसरमा बालबालिका तथा शिक्षा संचार मञ्चका संयोजक सरोज पौडेल, डाईरेक्टर प्रसाईं, प्रधानाध्यापक हुमागाई लगायतले आ-आफ्ना धारणा राखेका थिए भने कार्यक्रममा अभिभावक राजेन्द्र चौलागाईं, अनिल सुवेदी, शिक्षक, विद्यार्थी लगायतको उपस्थिति रहेको थियो ।
बाल क्लब फोकल पर्सन मिनु शिवाकोटीले औचित्य माथि प्रकाश पारेको कार्यक्रमको सञ्चालन सुलभ कार्की र पुजा ताम्लिङ्गले संयुक्त रुपमा गरेका थिए ।