झापा।। आज बिहानै देखि झापा,ईलाम सुनसरी, सोलुखुम्बु लगाएत धेरै ठाउँहरूमा वर्षा भइरहेको छ।
जल तथा मौसम विज्ञान विभाग अन्तर्गतको मौसम पूर्वानुमान महाशाखाका अनुसार अहिले झापा सहित देशका विभिन्न भागमा मेघगर्जन वर्षा भएको हो।
पानि पर्न केही समय रोकिए पनि आज दिनभर र भोलि सम्म नै वर्षाको सम्भावना रहेको जानकारी छ।
अहिले कोशी, बागमती, गण्डकी र लुम्बिनी प्रदेशको लमजुङ क्षेत्रमा मेघ गर्जनसहित वर्षा भइरहेको छ।
महाशाखाका अनुसार आज देशभर आंशिकदेखि साधारणतया बदली रहनेछ। कोशी प्रदेश, मधेश प्रदेश लगायत देशको पहाडी भू–भागका केही स्थानमा तथा देशका बाँकी भू–भागका थोरै स्थानहरूमा मेघगर्जन–चट्याङ्गसहित हल्कादेखि मध्यम वर्षाको सम्भावना रहेको छ।
देशको उच्च पहाडी तथा हिमाली भू–भागका थोरै स्थानहरूमा हल्का वर्षा र हिमपातको सम्भावना रहेको छ।
हावाहुरी र वर्षा भएसँगै बन डढेलो का साथै वायु प्रदूषण घट्ने अनुमान गरिएको छ।