खुल्ला पुरुष फुटबल प्रतियोगिता: हिजो रोकिएका दुई खेल आज हुँदै

एकतप्पा चैत्र २९  खेल खेलाडीका लागि खेलाडी राष्ट्रका लागि भन्ने मूल नाराका साथ पोखरी युथ क्लब  फाकफोकथुम ६ को आयोजनामा सञ्चालन भइरहेको खुल्ला पुरुष नकआउट फुटबल प्रतियोगिता अन्तर्गत हिजो रोकिएका दुई क्वार्टर फाइनलका खेलहरु आज सञ्चालन हुने सञ्चालक समितिका अध्यक्ष सुवास गुरुङले जानकारी दिएका छन्।

नियमित तालिका अनुसार हिजोका खेलहरू अविरल वर्षाका कारण रोकिएका थिए। दोस्रो क्वार्टर फाइनलका खेल अन्तर्गत आज पहिलो खेल दानाबारी एफसीले द बोइज आमचोकको सामना गर्दा दोस्रो खेलमा आयोजक पोखरी युथ क्लबले चमैता एफसीको सामना गर्नेछ

तालिका अनुसार आज र भोलि एकएक सेमिफाइनलका खेलहरू रहे पनि वर्षाका कारण खेल रोकिन पुगेकाले सेमिफाइनलका दुवै खेल भोलि चैत्र ३० गते हुने समितिका अध्यक्ष गुरुङले जानकारी दिएका छन्

प्रतियोगिताको फाइनल खेल वैशाख १ गते हुनेछ। विजेताले ५१ हजार१ सय ५१ रुपैयाँ आकर्षक ट्रफी मेडल र प्रमाणपत्र प्राप्त गर्नेछन् भने उपविजेताले ३१हजार १ सय ३१ रुपैयाँ आकर्षक ट्रफी मेडल र प्रमाणपत्र प्राप्त गर्नेछन्। त्यसैगरी विधागत उत्कृष्ट खेलाडीहरुले पनि ट्रफी प्राप्त गर्नेछन्