एकतप्पा चैत्र ३१ । इलामको फाकफोकथुम ६ एकतपामा जारी खुल्ला पुरुष नकआउट फुटबल प्रतियोगिताको उपाधिका लागि माई नगरपालिकाको दानाबारी एफसी र देउमाई नगरपालिकाको टि. वाइ. सी. मङ्गलबारे भिड्ने भएका छन ।
आइतबार जानकी मावि पोखरीको खेल मैदानमा सम्पन्न दोस्रो सेमिफाइनलमा आयोजक पोखरी युथ क्लबलाई टाइ ब्रेकरमा पराजित गर्दै टिवाईसी मङ्गलबारेले उपाधि भिडन्तमा दानाबारी एफसी संगको भेट पक्का गरेको हो ।
निर्धारित समयसम्म दुवै टोलीले गोलरहित बराबरी खेलेसँगै खेलको निर्णयकालागि टाइब्रेकरसम्म पुग्नुपरेको हो। टाइब्रेकरमा आयोजकलाई निराश बनाउँदै टीवाइसी मङ्गलबारेले दानाबारी एफसीसँगको फाइनल प्रतिस्पर्धा पक्का गरेको छ।
दानाबारी एफसीले पहिलो सेमिफाइनलमा फुङ्बा एप्सीलाई ट्राइबेकरमा नै पराजित गर्दै फाइनल यात्रा तय गरेको थियो।
पोखरी युथ क्लबको आयोजनामा चैत्र २३ गते देखि सुरू प्रतियोगिताको फाइनल खेल २०८२ वैशाख १ गते भोलि हुनेछ ।
प्रतियोगिताको विजेताले नगद ५१ हजार १सय ५१ रुपैयाँ प्राप्त गर्नेछन्। उपविजेता हुने टोलीले ३१ हजार १सय ३१ रुपैयाँ आकर्षक ट्रफी मेडल र प्रमाणपत्र प्राप्त गर्ने आयोजक समितिका अध्यक्ष टंक गुरुङ (सुबासले) जानकारी दिएका छन्