मङ्सिर २९ ।। दोस्रो संस्करणको गरुवाकप फुटबल प्रतियोगिताको उपाधि सनिश्चरे एफसी अर्जुनधाराले जितेको छ।
हिजो भएको फाइनल खेलमा प्रतिस्पर्धी लक्ष्मीपुर एफसी इलामलाई १-० गोल अन्तरले पराजित गर्दै शनिश्चरे एफसीले उपाधि जितेको हो। शनिश्चरेका लागि देवेन्द्र तामाङले निर्णायक गोल गरे।
माई नगरपालिका चार दानाबारी स्थित शुक्रबारे खेलमैदानमा हिजो भएको फाइनल खेलमा दुवै टिमले उत्कृष्ट खेल प्रस्तुत गर्दै दाबेदारी प्रस्तुत गरेका थिए। तर इन्जुरी समयमा शनिश्चरेका देवेन्द्र तामाङले पाएको अवसरलाई सदुपयोग गर्दै आफ्नो टिमलाई उपाधि दिलाए
लक्ष्मीपुर एफसी इलामले राम्रो प्रदर्शन गर्दै शनिश्चरेलाई दबाबमा राखे पनि पाएका अवसरलाई सदुपयोग गर्न नसक्दा उपविजेतामै चित्त बुझाउनुपर्यो। विजेता शनिश्चरे एफ्सीले नगद १ लाख ट्रफी मेडल र प्रमाणपत्र प्राप्त गर्यो । उपविजेता लक्ष्मीपुर एफसी इलामले नगद ५० हजार ट्रफी मेडल र प्रमाणपत्रमा चित्त बुझाएको छ।
विजेता तथा उपविजेता टिमलाई क्लबका अध्यक्ष तथा समापन समारोहका सभाध्यक्ष रन्जन श्रेष्ठ प्रमुख अतिथि वडा नम्बर ४ का वडा अध्यक्ष तथा विशिष्ट व्यक्तिहरुले पुरस्कार प्रदान गरे
नमुना युवा समूह माई नगरपालिका ४ शुक्रबारेले आयोजना गरेको प्रतियोगितामा इलाम झापा र मोरङका गरी कुल १६ वटा टिमहरूको सहभागिता रहेको थियो।
