मंगलबारे इलाम।। सहारा नेपाल साकोस लिमिटेड सेवाकेन्द्र मङ्गलबारेको २९ औँ वार्षिक एकाइ साधारण सभा सम्पन्न भएको छ।
देउमाई नगरपालिका वडा नम्बर ४ स्थित संस्थाको सभा हलमा हिजो सम्पन्न साधारण सभा सेवा केन्द्र सञ्चालन सहयोग उपसमिति संयोजक विक्रम श्रेष्ठको अध्यक्षतामा सम्पन्न भएको छ। समूह सेयर सदस्य कुनतादेवी बरालको प्रमुख अतिथ्यता रहेको कार्यक्रमलाई केन्द्रीय कार्यालय प्रतिनिधि तथा सहारा नेपाल सकोस् लि का सञ्चालक समिति सदस्य भोला धिताले सहजीकरण गरेका थियो। उक्त कार्यक्रम प्रेमराज राईले सञ्चालन गरेका थिए।
साधारण सभाको कार्यक्रमका प्रमुख ज्यूबाट पानसमा दीप प्रज्वलन गरेर उद्घाटन गरिएको थियो। त्यस्तै साधारण सभाको अवसरमा सामाजिक सुरक्षा कार्यक्रम अन्तर्गत मृत्यु भएका सेयर सदस्यको ऋण मिनाहा साथै उत्कृष्ट ऋणी र बचतकर्तालाई सम्मान समेत गरिएको छ।
जस अन्तर्गत समूह नम्बर ०१७ कि सेयर सदस्य ऋणि एतरानी लिम्बुको मृत्यु भएकोमा उहाँको बकी रहेको १ लाख ३० हजार ऋण मिना गरिएको छ। गरेर संस्थाबाट ऋण लिएर समयमा नै सावा ब्याज तिरेर उत्कृष्ट ऋणी बन्दै समूह नम्बर ०७७ कि सदस्य कृष्णकुमारी मगर उत्कृष्ट ऋणी पुरस्कारबाट पुरस्कृत भएकी छन्। त्यस्तैगरी समूह नम्बर १३० कि सेयर सदस्य अम्बिका थापा उत्कृष्ट बचतकर्ताको सम्मानबाट सम्मानित भएकी छन्।।
