मिक्लाजुङ पाँचथर ।। प्रथम जोगी डाँडा वडास्तरीय खुल्ला पुरुष भलिबल प्रतियोगिता आजबाट सुरु भएको छ।
मिक्लाजुङ गाउँपालिका वडा नम्बर ६ स्थित पञ्चेश्वरी आधारभूत विद्यालयको खेलमैदानमा प्रतियोगिता सुरु भएको हो। आज भएको उद्घाटन खेलमा जित निकाल्दै थुम्बेदिन ताप्लेजुङ र आयोजक रातोले विजय सुरुवात गरेका छन्।
आज भएको पहिलो खेलमा मिक्लाजुङ ५ पाँचथरलाई २–० सेटले पराजित गर्दै ताप्लेजुङ अघिल्लो चरण प्रवेश गरेको हो। ताप्लेजुङले २५-११ र २५-२९ को सोझो सेटमा मिक्लाजुङ ५लाई पराजित गरेको हो। पराजित भएसँगै मिक्लाजुङ ५ भने प्रतियोगिताबाट बाहिरिएको छ।
त्यस्तै आज भएको दोस्रो खेलमा निर्णायक सेटमा फाल्गुनन्द ५ पाँचथरलाई पराजित गर्दै आयोजक रातो अघिल्लो चरणमा प्रवेश गरेको छ पहिलो सेट फाल्गुनन्द ५ ले २५-२० ले आफ्नो पक्षमा पारेको थियो। तर दोस्रो सेटमा उत्कृष्ट पुनरागमन जित निकाल्दै आयोजक रातो खेललाई एकएकको अवस्थामा पुर्याउन सफल भयो। दोस्रो सेट आयोजकले २५-१८ ले आफ्नो पक्षमा पार्दै खेललाई तेस्रो तथा निर्णयक सेटतर्फ धकेल्यो तेस्रो तथा निर्णायक सेट निकै प्रतिस्पर्धात्मक बनेपनि अन्त्यमा १६ -१४ को जित निकाल्दै आयोजक रातो अघिल्लो चरणमा प्रवेश गरेको छ
उत्कृष्ट प्रदर्शन गरेपनि खेलमा हार बेहोर्दै फाल्गुनन्द पाँच पाँचथर भने प्रतियोगिताबाट बाहिरिएको छ।
प्रतियोगिताको उद्घाटन मिक्लाजुङ गाउँपालिकाका अध्यक्ष अमर माखिमले रेफ्री द्वय नवीन रिजाल र रोहित शिवाकोटीलाई बल हस्तान्तरण गर्दै गरेका थिए
राष्ट्रका लागि खेलकुद स्वास्थ्यका लागि खेलकुद नेपालको राष्ट्रिय खेल भलिबलको प्रवर्द्धन र स्थानीय स्तरबाट नै भलिबल खेलाडीको उत्पादन गर्ने उद्देश्यका साथ जोगीडाँडा खेलकुद विकास समितिको आयोजनामा प्रतियोगिता सुरु भएको हो।
प्रतियोगिताको फाइनल खेल जेष्ठ १७ गते हुनेछ विजेताले नगद ५० हजार र उपविजेताले नगद ३० हजार ट्रफी मेडल र प्रमाणपत्र प्राप्त गर्नेछन्। त्यस्तै विधागत उत्कृष्ट खेलाडीहरूलाई पनि ट्रफी तथा नगद प्रदान गरिने आयोजक समितिका संयोजक बसन्त तामाङले जानकारी दिएका छन्।
प्रतियोगिता अन्तर्गत भोलि पनि पहिलो चरणका छ खेलहरू रहनेछन्।
