झापा, मेचीनगर | झापाको मेचीनगरमा आजबाट “धाइजन चाराली महिला च्यालेन्ज कप फुटबल प्रतियोगिता” सुरु भएको छ। मेचीनगर नगरपालिका वडा नम्बर १२ धाइजन स्थित कालिका खेलमैदानमा धाइजन चारआली फुटबल क्लबको आयोजनामा सुरु भएको प्रतियोगिताको उद्घाटन खेलमा आयोजकले आदर्श युवा क्लब बुद्धशान्ति झापालाई ४–० गोल अन्तरले पराजित गर्दै अन्तिम चारमा प्रवेश गरेको हो। खेल अवधिभर आयोजक टोलीले आक्रामक प्रदर्शन गर्दै विपक्षीमाथि पूर्ण दबाब कायम राखेको थियो। आयोजकको सहज जितमा सरस्वती राजवंशीले दुई गोल गरिन् भने नयन राई र करुणा राईले समान एक–एक गोल गरे सुरुवातदेखि नै लयमा देखिएको धाइजन चारआलीले उत्कृष्ट टिमवर्क र आक्रामक रणनीतिका कारण आदर्श युवा क्लबलाई खेलमा अवसर…
