वसन्तकालीन आरोहण सिजनमा सगरमाथा शिखरमा पुग्ने आराेहीकाे सङ्ख्या ९०० नाघ्याे

पर्यटन विभागका अनुसार वसन्तकालीन आरोहण सिजनमा आजसम्म आरोहण गाइडसहित ९०० जनाभन्दा धेरैले सफल आरोहण गरेका छन् ।गएको वैशाख ३१ गतेदेखि सुरु भएको वसन्तकालीन आरोहण मे २९ तारिख अर्थात जेठ १५ सम्म सञ्चालन हुनेछ । यस वर्ष सगरमाथा आरोहणका लागि ४ सय ९५ जनाले अनुमती लिएका छन् । उनीहरुबाट झण्डै एक अर्ब ८ करोड रुपैयाँ रोयल्टी संकलन भएको छ । आज बिहान तेस्रो शिविरबाट उक्लिरहेका आरोहीहरूको लाइनलाई आधार मान्दा भोलि शिखरमा पुग्नेको सङ्ख्या उल्लेख्य हुने र यो वर्ष शिखरमा पुग्नेको सङ्ख्या १००० जना नाघ्ने अनुमान रहेको पर्यटन विभागले आधार शिविरमा स्थापना गरेको सम्पर्क कार्यालयका संयोजक खिमलाल गौतमले जानकारी दिनुभएको छ ।

सरकारले सार्वजनिक सेवा प्रवाहलाई नागरिकको घरदैलोमै पुर्‍याउने उद्देश्यले शुरू गरेको सरकारी ‘कुरियर’ सेवा अहिले देशका ६० जिल्लामा विस्तार भएको छ । हुलाक सेवा विभागले सरकारी सेवा वितरण प्रणालीलाई ‘डिजिटल’ र व्यवस्थित बनाउने प्रयासस्वरूप राहदानी, सवारी चालक अनुमतिपत्र (लाइसेन्स), शैक्षिक प्रमाणपत्रलगायत कागजात घरमै पुर्‍याउने कार्य तीव्र बनाएको जनाएको हो । विभागकी महानिर्देशक मनमाया भट्टराई पँगेनीका अनुसार प्रारम्भिक चरणमा केही जिल्लाबाट असहयोग भए पनि अहिले धेरैजसाे जिल्लामा सेवा प्रभावकारी रूपमा सञ्चालन हुन थालेको छ । तल्लो तहसम्मै संयन्त्र परिचालन गरेर सेवा विस्तार गरिरहेका छौँ । नागरिकले सरकारी कागजात लिन कार्यालय धाउनुपर्ने बाध्यता क्रमशः घट्दै गएको छ, उहाँले भन्नुभयो । विभागका अनुसार कार्यक्रम शुरू…

विपक्षी दलहरूले प्रतिनिधिसभाको बैठकमा प्रधानमन्त्रीसँगको प्रश्नोत्तर कार्यक्रम सञ्चालन नभएसम्म विरोध जारी राख्ने निर्णय गरेका छन् । प्रमुख प्रतिपक्षी दल नेपाली कांग्रेससहित विपक्षी दलहरू नेकपा (एमाले), नेकपा र राप्रपाका प्रमुख सचेतकको आज बसेको बैठकले विरोध जारी राख्ने निर्णय गरेको नेकपा एमालेका प्रमुख सचेतक ऐन महरले जानकारी दिनुभयो । संसदमा प्रधानमन्त्रीले आएर सांसदका प्रश्नको जवाफ दिनुपर्ने उहाँले बताउनुभयो । कार्यपालिकालाई संसदप्रति जवाफदेही बनाउनका लागि विपक्षीहरू एकजुट भएर अघि बढ्ने समझदारी भएको उहाँकाे भनाइ छ । सिंहदरबारमा रहेको एमाले संसदीय दल कार्यालयमा बसेको बैठकमा विपक्षमा रहेका चार वटा दलका प्रमुख सचेचक र सचेकतहरू सहभागी थिए । प्रतिनिधिसभा नियमावलीमा हप्ताको पहिलो हप्ता कुनै दिन प्रधानमन्त्रीसँग एक…

पाँचथर ।। पाँचथरको मिक्लाजुङ–६ जोगीडाँडामा “प्रथम जोगीडाँडा खुल्ला वडा स्तरीय भलिबल प्रतियोगिता २०८३” आयोजना हुने भएको छ। जोगीडाँडा युवा खेलकुद समितिको आयोजनामा प्रतियोगिता सञ्चालन हुन लागेको हो। प्रतियोगिता २०८३ साल जेष्ठ १५, १६ र १७ गते मिक्लाजुङ–६ पञ्चमी आधारभूत विद्यालयको प्राङ्गण जोगीडाँडामा सञ्चालन गरिने आयोजकले जनाएको छ। प्रतियोगिताको विजेता टोलीले नगद रु. ५० हजारसहित मेडल र प्रमाणपत्र प्राप्त गर्नेछ भने उपविजेता टोलीले रु. ३० हजारसहित मेडल र प्रमाणपत्र पाउनेछ। साथै उत्कृष्ट खेलाडीहरूलाई बेस्ट स्पाइकर, बेस्ट सेटर, बेस्ट लिबेरो तथा अन्य विधागत पुरस्कारसमेत प्रदान गरिने आयोजकले जनाएको छ। प्रतियोगितामा सहभागी हुन चाहने टोलीका लागि प्रवेश शुल्क रु. ३ हजार ५ सय…

  बिर्तामोड जेठ ४ ।। प्रथम उपमेयर कप वडास्तरीय भलिबल प्रतियोगिताको उपाधि बिर्तामोड नगरपालिका वडा नं ३ ले जितेको छ। बिर्तामोड ९ स्थित दुर्गा माविको खेलमैदानमा आज सम्पन्न फाइनलमा उपाधि दावेदार मानिएको बिर्तामोड ५ लाई ३-१ सेटले पराजित गर्दै वडा नं ३ ले उपाधि जितेको हो। पहिलो सेट बिर्तामोड नगरपालिकाले २५-२१ को सेटमा जितेको थियो। तर त्यसपछि लगातार तीन सेट जित्दै बिर्तामोड नगरपालिका ३ ले उपाधि जितेको हो। दोस्रो सेट बिर्तामोड ३ ले २५ -२० ले आफ्नो पक्षमा पार्दा तेस्रो सेट २५-१५ ले जित हात हासिल गर्यो चौथो सेटमा २५-१९ को नतिजा हात पार्दै बिर्तामोड ३ च्याम्पियन बनेको हो पहिलो…

  पाँचथर, फाल्गुनन्द ।। पाँचथरको फाल्गुनन्द गाउँपालिका वडा नम्बर–३ पौवा सारतापमा “सुखबिर नेम्बाङ स्मृति अन्तरपालिका स्तरीय भलिबल प्रतियोगिता” आयोजना हुने भएको छ। स्थानीय स्तरमा भलिबल खेलको विकास, युवाहरुलाई खेलकुदप्रति आकर्षित गर्ने तथा स्वर्गीय सुखबिर नेम्बाङले जिल्लाको भलिबल क्षेत्रमा पुर्‍याएको योगदानको सम्मानस्वरूप प्रतियोगिता आयोजना गर्न लागिएको हो। फाल्गुनन्द गाउँपालिका–३ स्थित श्री सारताप मनोरत्न माध्यमिक विद्यालयको खेलमैदानमा यही जेठ २९, ३० र ३१ गते प्रतियोगिता सञ्चालन गरिने तयारी भइरहेको छ। प्रतियोगितामा पाँचथर जिल्लाका विभिन्न पालिका  हरूको सहभागिता रहने छ। स्वर्गीय सुखबिर नेम्बाङ फाल्गुनन्द गाउँपालिका वडा नम्बर–३ का पूर्व वडा अध्यक्षसमेत हुन्। उनी क्षेत्रीय स्तरका चर्चित भलिबल खेलाडीका रूपमा परिचित थिए। खेलकुदमार्फत सामाजिक…

  झापा जेष्ठ ३ ।। प्रथम उपमेयर कप वडास्तरीय भलिबल प्रतियोगिता आजबाट झापाको बिर्तामोडमा सुरु भएको छ। बिर्तामोड नगरपालिका वडा नम्बर ९ खेलकुद विकास समितिको आयोजना र बिर्तामोड नगर खेलकुद विकास समितिको सहआयोजनामा प्रतियोगिता सुरु भएको हो। बिर्तामोड ९ गरामनि स्थित दुर्गा माविको खेलमैदानमा आज भएको खेलबाट जित निकाल्दै वडा नम्बर ५, ६,३ र ८ सेमी फाइनलमा प्रवेश गरेका छन्। बिर्तामोड ३ ले बिर्तामोड ४ लाई २५-१७ र २५-१६ को सोझो सेटमा पराजित गर्दै सेमीफाइनलको यात्रा तय गरेको हो। बिर्तामोड ३ बाट विमान खड्का अभिषेक कामती भरत यादव धुर्व भण्डारी जस्ता अनुभवी खेलाडीहरू सहभागी छन्। त्यस्तै अर्को खेलमा बिर्तामोड ५ले…

  झापा ।। धाईजन चारअलि महिला च्यालेन्ज कप फुटबल प्रतियोगिताको उपाधि आफूहरूले जित्ने सहभागी रतखोला फुटबल एकेडेमी दार्जिलिङ भारत र आयोजक धाइजन चाराली फुटबल क्लबका प्रशिक्षक र कप्तानले  दाबी गरेका छन् । मेचीनगर नगरपालिका वडा नम्बर १२ स्थित स कालिका खेलमैदानमा आज आयोजित प्रिम्याच कन्फ्रेन्समा दुबै टोलीले उपाधि हात पार्ने दाबी गरेका हुन् । फाइनल खेल आइतबार यसै मैदानमा हुँदैछ। रतखोला फुटबल एकेडेमी दार्जिलिङका प्रशिक्षक विद्युतदासले आफ्ना अनुभवी खेलाडीहरू भएका कारण उपाधि आफूले जित्ने दाबी गरे त्यस्तै क्याप्टेन प्रतिज्ञा क्षेत्रीले आफूहरू उत्कृष्ट खेल्दै  आयोजकलाई होम ग्राउन्डको एडभान्टेज भएपनि होम ग्राउन्डमै आयोजकलाई पराजित गर्दै उपाधि आफूले जित्ने दाबी गरिन्। त्यस्तै आयोजक…

  बिर्तामोड ।। झापाको बिर्तामोडमा आयोजना हुन लागेको प्रथम उपमेयर कप वडा स्तरीय भलिबल प्रतियोगिता (पुरुष) २०८३ को खेलतालिका सार्वजनिक गरिएको छ । वडा नं. ९ खेलकुद विकास समितिको आयोजना तथा बिर्तामोड नगर खेलकुद विकास समितिको सह आयोजनामा सञ्चालन हुने प्रतियोगिता गरामनीस्थित दुर्गा माविको खेलमैदानमा हुनेछ । प्रतियोगितामा बिर्तामोड नगरपालिकाभित्रका १० वटा वडाको सहभागिता रहनेछ । सार्वजनिक गरिएको खेल तालिकाअनुसार उद्घाटन खेलमा वडा नं. ९ र वडा नं. १० बीच प्रतिस्पर्धा हुनेछ । उद्घाटन खेल बिहान ९ बजे सुरु हुने तालिका सार्वजनिक गरिएको छ । पहिलो दिन प्रारम्भिक चरणका कुल ६ खेल सञ्चालन हुनेछन् । प्रारम्भिक चरण पार गरेका टोलीबीच…

  झापा ।। पाहुना टिम रथखोला फुटबल क्लब दार्जिलिङ भारत झापाको धाइजनमा जारी धाइजन चाराली महिला च्यालेन्ज कप फुटबल प्रतियोगिताको फाइनलमा प्रवेश गरेको छ। यो सँगै फाइनलमा आयोजक धाइजन चारआली फुटबल क्लबसँगको भेट पक्का गरेको छ मेचीनगर १२ धाइजनस्थित कालिका खेलमैदानमा आज भएको अन्तिम सेमिफाइन खेलमा उपाधि दावेदारका रुपमा हेरिएको जनता सेभेन फुटबल क्लब सूर्योदय इलामलाई ३ -१ गोल अन्तरले पराजित गर्दै उपाधि नजिक पुगेको हो। रथखोलाका तर्फबाट ममता राय, प्रतिज्ञा क्षेत्री र सुजु राईले एकएक गोल गरे। पराजित जनता सेभेनको तर्फबाट नेहा श्रेष्ठले एक गोल फर्काइन्। प्रतियोगिताको फाइनल खेल आगामी जेष्ठ ३ गते धाइजन चाराली फुटबल क्लब र रथखोला…